14 красавiка 2021 года ў каледжы прайшоў ХIV Рэспубліканскі смотр-конкурс мастацкай самадзейнасці навучэнцаў устаноў адукацыі спажывецкай кааперацыі.Тэматыка мерапрыемства вытрымана ў рамках Года народнага адзінства, падкрэсліла важнасць статуса «Гродна – Моладзевая сталіца Рэспублікі Беларусь 2021». Конкурс быў накіраваны на выяўленне, развіццё і рэалізацыю творчага патанцыялу навучэнцаў, захаванне і памнажэнне культурных дасягненняў, удасканальвання сістэмы патрыятычнага, маральнага і эстэтычнага выхавання ў моладзевым асяроддзі.Вынікі смотра-конкурсу мастацкай самадзейнасці будуць падведзены пасля яго правядзення ва ўсіх установах адукацыі сiстэмы Белкаапсаюза.